Krakkar mínir, ég setti nú upp kommentakerfi til þess að þið gætuð skrifað í það...ekki mun það skrifa í sig sjálft...ha.

Ég trúi því varla að hann Brynjar sé sá eini sem skoðar síðuna mín...fuss :(

Nadia

I have chupitos I have jamon...

Jæja klukkan er hálf ellefu núna að morgni til og hér sit ég hress og kát eftir hörkudjamm sem ég fór á í gær. Byrjaði heima hjá Súsönnu, þar sátu ég, Selma og Súsanna og fengum okkur í glas meðan við horfðum á einhver Queen myndbönd sem Súsanna átti á spólu. Einnig hlustuðum við á Tom Jones á gamla plötuspilara mömmu hennar, já það er gaman að vera heima hjá Súsönnu. Við hringdum í Binna og skipuðum honum að keyra okkur niður í bæ, þar sem við vorum að fara í afmælisboð hjá bróðir hennar Selmu og vini hans. Við gáfum afmælisbörnunum veiðiderhúfur sem Súsanna keypti í rúmfatalagernum á 99 kr. Það var fín stemmning í þessu partíi, bara svona frekar rólegt. Kannski einum of rólegt fyrir mig því að klukkan 11 ákvað ég að fara heim áður en ég myndi drepast í sófanum, þetta rósavín var aldeilis farið að svífa á mig. Selma var svo góð og bauð mér gistingu á "Hótel Selma og Nonni" það var mjög fínt, mjög góð þjónusta ég fékk t.d. að horfa á Simpson´s meðan ég var að drepast og lánuð náttföt hjá hótelinu, flott náttföt líka Billabong stuttbuxur og Nike bolur. Mér leið samt hálf undarlega þegar ég vaknaði, ég var lengi að hugsa hvernig í andskotanum ég hafi komist inn á þetta fína hótel. Tók strætó klukkan 10 og hér er ég.

En út í aðra sálma, þá er ég að verða brjáluð á þessum helvítis pop-up gluggum. Its drævin mí fökkin nöts. Ég held að ég hafi einungis lokað 50 gluggum núna meðan ég var að blogga. Þetta er alveg ómögulegt enda er þessi tölva ekkert nema gallað skrapatól.

Núna eru aðeins 5 dagar í afmælið mitt, og vil ég skipa fólkinu sem er að fara í nefndarferðina þá helgi að gjöra svo vel að gefa mér afmælisgjöf á fimmtudeginum...takk fyrir :)

Nadia

Mér leiðist...

Ég er að drepast úr leiðindum hérna, það er nú ekki skemmtilegt að vera veikur. Hundleiðinlegt sjónvarp á mánudagskvöldi, kannski fyrir utan BBC þáttinn sem hét The Cavemen og fjallaði um þrónarkenninguna frekar skemmtilegt. En síðan eftir það langaði mig til þess að fara á msn og spjalla við vini mína, en svo lítur út fyrir að vera að ég kemst ekki inn á msn, einmitt þegar ég þarfnast þess mest :(

Ég veit ekki hvað skal gera, kannski ég ætti að fara að læra eða lesa, vera á undan áætlun og klára öll skiladæmin í stærðfræði og skrifa allar ritgerðir sem ég þarf að skila einhvern tímann á næstu mánuðum, gera þetta allt núna og ég er strax komin í jólafrí. En einhvern veginn hef ég á tilfinningunni að þetta muni aldrei gerast.

Jæja ég ætla alla vega að reyna að kíkja í einhverjar bækur

Nadia

Ég er veik...

Vaknaði klukkan 5 í morgunn við suðið í þessari helvítis flugu í glugganum hjá mér. Það virðist sem að hún sé búin að vera þarna í sirka mánuð án gríns, og ég er að verða brjáluð á þessu kvikindi. Alla vega, þá gat ég ekki sofnað aftur því ég uppgötvaði það að ég væri með hausverk, hálsbólgu og beinverki. Ég ákvað að fara ekki í skólann, frekar liggja heima upp í sófa með snýtipappír og horfa á myndbönd á Skjá 1 og PoppTíví. Ég hélt mér vakandi til þess að horfa á Nágranna, og viti menn ég var ekki vitund þreytt á eftir, ég ákvað að horfa lengur á imbann en ákvað svo að slökkva á þessu helvíti þegar helvítis þátturinn með Ágústu Johnson Í Fínu Formi byrjaði, þá leið mér um stund eins og ég væri komin með ælupestina.

Ég veit ekkert hvað ég á að gera af mér, mér hundleiðist samt hef ég enga orku til þess að gera neitt. Mest af öllu langar mig til þess að spila Scrabble, ég uppgötvaði það á laugardaginn að þetta er ótrúlega skemmtilegt spil. Flestir sem þekkja mig vita að ég hata að spila, öll þessi spil Trivial Persuit og bara venjuleg spil með spilastokk. En þetta spil finnst mér skemmtilegt, en kannski er það út af því ég vann í þau 2 skipti sem ég spilaði það.

En Svanhvít ef þú ert að lesa þetta, þá máttu alveg kíkja í heimsókn með Scrabbelið þitt.

Jæja ég blogga örugglega eftir svona hálftíma

Ciao

Nadia

P.S. Ég fletti upp gal í orðabók og það virðist sem að það sé ekki til...