You are like Tiny. You are short tempered but you
are quick to adapt to new situations. You like
to be the center of attentinon and you know you
have every potential to be there.

Which Quarashi member are you? (easy)
brought to you by

Vúhú!

Ja hérna hér. Fór á útgáfutónleika með Hjálmum í gærkvöldi á Grandrokk, held bara að ég sé ennþá í vímu eftir þessa stórkostlegu tónleika. Þeir spiluðu alveg í 2 tíma eða e-ð, og voru mjög þéttir, sem mér finnst svo fyndið þar sem þeir halda mjög sjaldan tónleika. En þetta voru fyrstu tónleikarnir mínir með þeim því ég missi alltaf rétt af þeim. En ég var svolítið svekkt því þeir voru að selja diskinn sinn þarna og ég hafði gleymt veskinu mínu hjá vini hans Hemma, þannig ég gat ekki keypt diskinn. Fúlt, en ég fjárfesti í honum bara seinna.

Ég er að horfa á Extreme Makeover núna. Og ég verð bara að segja, djöfull er fólk geðveikt. Ég hef ekki séð eina óeðlilega ljóta manneskju í þessum þáttum, þetta er oftast bara mjög eðlilegt fólk sem er bara byrjað að eldast og líkaminn og andlitið í samræmi við það. Þetta er nú meira bullið.

Og já Súsanna ég sá Jesú (Jesús/Jesúm) á tónleikunum í gær, hann er ansi hot en ég held samt að hann sé bara player, ekki alveg að fíla það.

Later people...

Nadia

Dididilididiiii skip dabb babb babb dabb beeiii....yeah.

Ég er í svo miklu jazz-stuði núna, gæti skipp-að og dabb-að í allan dag. Samt er vont veður og ég er í góðu skapi.

Ég er búin að vera svo ótrúlega heppin með skólann að það er ekki eðlilegt, kannski ástæðan fyrir því að ég sé alltaf svona óhamingjusöm er vegna þess hversu heppin ég er. Ég er búin að vera slugsa pínu með heimalærdóminn, en alltaf verið það heppin að þegar ég mæti í skólann þá er kennarinn veikur eða þá að prófið sem að ég fer í er bara skítlétt. En ég verð að fara að taka mig á, gengur ekki. En annars er ég að fara í próf á þriðjudaginn í sögu, ef einhver er vel að sér í kalda stríðinu, þá má hann endilega láta mig vita því að prófið er aðalega um það viðfangsefni.

Ég er alltaf að blogga núna, en ég hef ekkert að segja. Oh en leiðinlegt.

En já talandi um ógeðslegt fólk, þá eru myndir úr afmælinu mínu hérna. En þessi hér er mjög getnaðarleg mynd af mér.

Jæja þar til næst...

Shaka Khan everybody Shak-shak-shak Shaka Khan...

Æh, hvað gerðist fyrir lilla-bláa bloggið mitt. Ég er ekki alveg sátt við litinn hérna, mig grunar að hún Dóra Gígja hafi verið að breyta til, sem er fínt fyrir utan litina og það vantar teljarann minn.

Ég var að ræða við nokkrar stelpur í skólanum í dag. Þær voru að tala um bloggsíður, og hvað þeim finndist leiðinlegt að lesa blogg þar sem fólk væri að hella tilfinningum sínum og röfli yfir lesandann. Ég bara hélt kjafti, enda er ég nú ekki svo saklaus í þeim málum. Ég bara kann ekki að blogga um e-ð yfirborðslegt og leiðinlegt, kann heldur ekki að skrifa fyndnar og skemmtilegar sögur, þannig ég skrifa bara um mitt líf sem oftast fylgir röfl með.

Hmm, nú er ég að hugsa um að röfla ekki, en þá einhvern veginn virðist ég ekki hafa neitt til þess að blogga um.

Jú, mig langar einstaklega að vita hver syngur lagið fyrir Egils Kristal auglýsinguna, eða bara hvað lagið heitir. Mér þykir þetta vera einstaklega fallegt lag og fæ gæsahúð í hvert skipti sem að ég heyri þetta stutta brot úr því.

Guð minn góður, sá einhver Fólk með Sirrý í gær? Fyrsta skipti var þessi þáttur áhugaverður (fyrir utan þegar Heba og mamma hennar voru þættinum (og ég)), 21 árs stelpa komst að því að hún væri ólétt 15 mín. áður en hún átti barnið. Þetta var ótrúlega skrítið, hún fór upp á spítala vegna þess að hún var með svo mikla magaverki, svo kom seinna í ljós að hún var ólétt. 15 mín. seinna átti hún strák, og hún hafði ekki grænan grun um að hún væri ólétt! Ég kemst ekki yfir þetta. Reyndar las ég svipaða sögu um þetta í sumar, en þá var greyið konan svo feit að hún tók ekki eftir því að hún væri ólétt.

Jæja er ekki best að eyða tímanum í e-ð annað heldur en leiðinlega bloggfærslu.

Takk takk

Alzheimer...

Voðalega finnst mér eins og Alzheimer sé búið að vera mikið í umræðunni núna undanfarið. Ekki er langt síðan ég bloggaði um að ég hafi verið að horfa á sænska mynd um Alzheimer. Svo fór ég á Notebook og þar var ein aðalpersónan með Alzheimer. Ég las DV í dag og þar stóð að einhver læknir í BNA telur að George W. Bush sé með Alzheimer á byrjunarstigi. Svo horfði ég á fréttirnar í kvöld og þar var verið að tala um að um 300 Íslendingar séu með Alzheimer.

Hani brá sér í bæinn, hvað er ekki fréttnæmt hérna á Íslandi?

Ég fór líka í bæinn í dag, kannski að ég ætti að hringja í fréttastofuna. Neih heyrðu, ég á heima í miðbænum, þetta verður stórfrétt!

Ég ætla að kveðja ykkur að sinni með apahljóðum...

Úhuahahahah ú úæu ú íííí í aaaa...

Pang, pang!

Blóð dreytlar..

Nadia

Aahh...

Jæja er upp í skóla núna að pikka á lyklaborðið með nýja hringnum mínum sem ég fékk í afmælisgjöf. Reyndar er ég ekki að pikka á lyklaborðið með hringnum, hringurinn er á puttanum ef einhver skildi misskilja mig,

Fór The Notebook í gærkvöldi, bara ágætismynd. Hélt reyndar að það væri meira varið í hana, fannst mér þó leikararnir standa sig mjög vel og átti ég auðvelt að lifa mig inn í myndina. Ég ætlaði ekki að komast yfir að hvað stelpan sem fór með aðalhlutverkið er falleg, gaman að horfa á hana. Mótleikarinn hennar var nú ekkert í verri kantinum. Æh hvað mig langar að vera ástfangin eins og þau...

Æji ég ætlaði að setja mynd, nenni því ekki.

Nadia