Yes, I do speak English...

Það er nú aldeilis hvað það er mikið af túristum hér í Reykjavík þessa dagana. Ég var að vinna á 22 í gær og í dag, og húsið fylltist báða dagana bara af útlendingum. Ég var hætt að bjóða góðan daginn á íslensku því það var í rauninni bara tilgangslaust og leiddi oft til þess að fólk spurði hvort ég talaði ensku.

Í morgun þegar ég var að opna, kom indælis maður frá BNA. Hann var hér á vegum kantsins (músíkantsins) Barða í Bang Gang. Við spjölluðum um daginn og veginn og hann sýndi mér fullt af myndum sem hann hafði tekið hérna í Reykjavík yfir þessa nokkra daga sem hann er búinn að vera hérna, honum fannst voða fyndið hvernig Íslendingar láta þegar þeir eru fullir. Enda fór hann á Sirkus föstudagskvöldið, og frétti ég seinna um daginn að ein vinkona mín hafði verið þar sama kvöld, meeeð Barða. Hmm haa, þannig að skemmtilegi kaninn og vinkona mín hafa sennilega hist.

Stuttu á eftir kananum kom maður frá S-Afríku, sem var einnig mjög skemmtilegur, kokkurinn og hann spjölluðu heillengi saman.

Svo komu enn fleiri BNA-menn, allir mjög hressir og kátir. Og áður en ég vissi af var kaffihúsið fullt bara af útlendingum, að undanskildum mér sem er hálfur Íslendingur (hohohoho). Svo snerist ég bara í hringi þarna því það var svo mikið að gera. En það er bara hressandi, ekkert leiðinlegra en að hanga í vinnunni þegar það er ekkert að gera.

Æji þetta er leiðinlegt blogg, hef voða lítið að segja.

Annars var ég að vinna í 2 tíma á föstudaginn, meðan aðals-bjórkvöld hjá FB stóð yfir. Ég held að Elvar fái verðlaun fyrir að vera mest pirrandi viðskiptavinur kvöldsins, aðalega vegna þess að hann trúði mér ekki þegar ég sagði að Gajol-staupið kostaði 500 kr. Honum fannst það of dýrt.
Gunnar Óli ætti líka að fá verðlaun, bara fyrir að dansa við sálfræðinginn Önnu Valdimarsdóttur. Ég fékk meira að segja eina sjálfshjálparbók eftir hana í jólagjöf í fyrra, og þarna var hún, sálfræðingurinn sjálfur að dansa við vin minn.
Óli skóli fær skammarverðlaun kvöldsins bara aðalega fyrir að láta eins og hálfviti. Tók Gunnar Óla og sálfræðinginn í samloka án þess að þau væru að taka e-ð sérlega vel í það.

Jahá...ég er farin að spise...

vi ses...

Nadia

Ja hérna hér...

Jæja, ég er farin bara að hressast heilmikið við núna, og verð ég að segja að það er heilmikill léttir. Ég lít samt ennþá út eins og krakkhóra, en ég hlýt að koma til, verða að trúa á eitthvað.

Ég er búin að gera voðalega lítið þessa undanfarna daga, nema það að "láta mér batna", sem er frekar leiðinlegt þar sem mér finnst ég vera orðin hress, en verð að fara mér hægt um svo að mér slái ekki aftur niður. En já mér var farið að leiðast það mikið að það tókst að draga mig til þess að horfa á fótboltaleik. Já, ég, Þórdís Nadia Óskarsdóttir horfði á heilan fótboltaleik. Kannski ekki alveg heilan, dottaði aðeins inn á milli, en virtist ekki missa af neinu. Leikurinn sem ég horfði á var einhver vinaleikur til styrktar fórnarlambanna í Sunami.

Svo prufaði ég í fyrsta skipti að fara í Eye-Toy, sem var bara helvíti gaman. Rústaði Gunna og hann gat ekki tekið tapinu eins og maður, þannig hann fleygði mér bara á hornið á sófanum heima hjá honum og ég er ekki frá því að ég hafi rifbeinsbrotnað, er alla vega brákuð. Svo fórum við í einhvern bílaleik, ég rústaði honum líka þar, en var fljót að forða mér í burtu áður en hann fór að brjóta e-ð annað.

Svo held ég að ég fari bara til námsráðgjafans á föstudaginn, skólinn er kominn í hálfgert klúður. Búin að missa heilan mánuð úr, spurning hvort að ég eigi að reyna að vera dugleg og reyna að vinna allt upp sem ég er búin að missa úr, eða hvort að ég fari að vinna og taki e-ð í fjarnámi. Ææhh ég er nú meiri tossinn.

En hvað er málið með þessa Vestmannaeyjaferð? Ekkert slúður eða? Það kemur mér frekar á óvart.

Svo var Valentínusardagurinn í fyrradag. Þegar ég minnti elskuhuga minn á það, þá sagði hann "ha? er ekki mánudagur?". Rosalegt hvað fólk getur verið rómantískt, annars var ég ekkert svo rómantísk sjálf. Var bara heima á náttfötunum allan daginn að horfa á DVD. Hefði getað verið svo elskuleg og hangið inn í eldhúsi allan daginn að útbúa hjartalaga konfekt, en ég er það góhjörtuð að ég myndi ekki óska mínum versta óvini þá martröð að smakka e-ð sem ég hef útbúið.

Jæja ætla skella annarri DVD í tækið. Vi ses...

Takk fyrir að lesa þessa færslu?

Nadia