Halló...

Jæja, gærkvöldið var bara æðislegt, gasalega smart. Óli, Binni, Gummi og Súsanna kíktu hérna til mín um tíu-leytið. Sátum við inn í stofu og spjölluðum um daginn og veginn á meðan við helltum í okkur áfengi. Súsanna varð heldur skrautleg snemma um kvöldið, var hérna veltandi um öll gólf. Nei, nei ég segi svona, hún var samt heldur drukkin.

Við löbbuðum á Dillon þar sem það voru eiginlega engin sæti þannig við fórum inn á 22 og hristum rassana þar. Við vorum öll kófsveitt og dauðadrukkin, svo fórum við á Kaffibarinn. Þar sem ég þurfti sennilega að bíða í hálftíma eftir afgreiðslu, þó svo að þetta hafi verið með þeim myndarlegustu barþjónum sem ég hef séð hérna á Íslandi, þá varð ég samt frekar pirruð út í þá, hunsa mig bara. Súsanna og Binni fóru svo heim, á meðan hitti ég Braga, Odd Brodd og Svavar. Ég tölti bara um bæinn með þeim, fórum við á Celtic, 11 og e-ð húsasund. Síðan átti víst að vera eftirpartý hjá mér, en gestgjafinn drapst og man ekki meir.

Svo er spurning hvort að ég kíki e-ð út í kvöld, hver vill fara með mér?

Nadia

Ahoy...

Ég er með frekar mikið samviskubit núna, fór ekki í vinnuna í morgun. Er ekkert neitt rosalega veik, en týpískt að ég verði síðan veik í næstu viku og þurfi að pína sjálfa mig í vinnuna af því að ég er búin að nýta mér þessa veikindadaga.

Ég og Súsanna erum að spá í að kíkja á 11 í kvöld, Jan Mayen og Coral verða að spila. Verð að segja að það er mjög gaman að sjá Coral spila, hann Gunnar er svona natural rokkstjarna, hann þarf ekki að feika neitt upp á sviði, hann er bara svona. Svo eru þeir nátturlega bara gífurlega góðir. Er að spá í að gerast grúppían þeirra, hætta að vera grúppían hjá Lokbrá. Svo kannski að ég færi mig yfir í stærri og frægari bönd, en annars virðist Lokbrá vera að meika það núna, kannski ég ætti bara að halda mig við þá.

Ekki mikið í fréttum hjá mér, pabbi er að fara til Túnis 15. júní. Ég bað hann um að kaupa handa mér túníska þjóðbúninginn, hvort að hann sé fallegur eða ei þá er sennilega gaman eiga eitt stykki svona búning. Svo var hann e-ð að tala um að hann vildi taka mig upp á video fyrir familiuna úti, ég þvertók fyrir það. Mér myndi finnast það heldur asnalegt að vera að veifa e-ð í cameruna fyrir þau, geta ekki sagt neitt þar sem við tölum ekki sama tungumálið. Pabbi er víst búinn að segja við afa að ég sé í háskóla, vildi bara halda kallinum góðum því hann var ekki viss um hvernig hann myndi taka í það að ég væri ekki í skóla bara að vinna. Þetta fólk hefur víst ekki heyrt um skólaleiða og taka sér pásu. Annars finnst mér pabbi minn stundum bara leiðinlegur, hann er með endalausar kröfur um hvernig ég eigi að vera að hvað ég eigi að gera því hann vill ekki að ég endi eins og hann. Hann heldur að allir þeir sem drekka og eru ekki í skóla eru á leið til helvítis, eða sem sagt verða alkahólistar eftir nokkur ár. Því þannig gerðist það fyrir hann. Ég verð bara að segja að ég er með frekar mikla fordóma gagnvart AA-fólki, það virðist alltaf vera svo þröngsýnt og alhæfir alveg rosalega mikið. Halda að þau viti allt, því einhvern veginn er búið að stimpla inn í hausinn á þeim að alkahól er vont fyrir manninn. Bla bla bla...nenni ekki einu sinni að tala um svona fólk.

En jæja, best að fara og gera ekki neitt...

Nadia

Halló, halló hvað er að gerast?

Fann annað nokkuð spennandi um afmælisdaginn minn hérna. Eða ég fann það ekki, það var Bragi reyndar sem benti mér á þetta. En gaman samt að eiga afmæli sama dag og það er Talk Like A Pirate Day! Þá veit ég hvað ég verð að gera á afmælinu mínu.

Dugnaður...

Já, ég fór ekki í vinnuna í dag. Var frekar slöpp í gær, en held að það hafi aðalega verið vegna ofþreytu. En vaknaði svo í dag bara frekar slæm af ofnæmi og exemi þannig það hefði eiginlega bara verið betra að sleppa vinnunni.

Kíkti samt aðeins út í dag, bara helvíti gott veður, einmitt akkúrat þegar ég er ekki að vinna. Kom heim, fór í sturtu og svo byrjaði ég bara taka til. Kom sjálfri mér á óvart, ég vissi ekki að ég hefði þetta í mér, það er að segja að taka til. Það virðist sem að því minna sem er röflað í mér því graðari verð ég og verð því að taka til í herberginu mínu því ég vil ekki að strákarnir sem ég tek með mér heima af djamminu haldi að ég sé einhver sóði!

Alla vega, já það sem ég var að segja er að því minna sem að það er röflað í mér því duglegri verð ég. Svo var ég meira segja það dugleg að elda ofan í sjálfan mig, bollasúpu.

Nadia

Bananadaði...

Ég var rétt í þessu að skoða síðuna hjá Daða sem er einnig þekktur undir nafninu Bananadaði, vá hvað ég elska bloggið hans, ég vona honum sé sama að ég birti eina ruglsögu sem að hann samdi hérna. Banandaði fær link hjá mér...

fimmtudagur, apríl 15, 2004
Ruglsaga dagsins
Einu sinni var messagutti að reykja bát þegar ógurlegt magatæki frá Sjónvarpsmarkaðnum réðst á hann í miðri sjálfsfróun. Messaguttin var alls ekki ánægður með þetta og tók upp þreskivélina sýna og boraði henni inn í pissugatið hjá stólnum. Ha, hvaða stól?... sögðu allir meðan Lína brosti froskum. Nei, ég bara spyr oft . Lítill hveitipoki opnaði sig á trúnó við ömmu Hans og Grétu bak við góðan gám í Kyrrahafinu. Litlir ofnar flugu fram hjá messaguttum sem börðust með bróður sínum í málinu með magaþjálfann. Oft vann gaurinn en auðvitað tækið ekki sagði gamli hanskinn sem fylgdist með öllu saman í beinni frá tunglinu með svönum. Tungur funda hann nefnilega inn í sér þegar messaguttinn var í því augnabliki að nota þreskivélina. Þegar komið var við sögu hjá mess og maga átu þeir hvorn annan úr smjörsýru sem átti heima inn í klaka á bol. Allar smjörstytturnar sugu froskana sem Lína brosti og allir urði vinir með fram veggjum. Köttur undir hendi átti frosk með vendi. Klapp klapp klapp upp á þak ég segi rapp

Vá hvað ég hló mikið þegar ég las þessa sögu...

Nadia

Barnaefni...

Ég er búin að vera hlæja mig máttlausa í allan morgun. Þannig er mál með vexti að ég kom heim um sjö-leytið, var ekkert þreytt þannig ég fékk mér að borða og kveikti á sjónvarpinu. Góðir hlutir fóru að gerast um níu-leytið, þá fór skemmtilegar teiknimyndir að byrja. Ég get svarið fyrir það hvað þetta er súrt og steikt, en það er rosalega gaman að horfa á þetta.

T.d. áðan var teiknimyndaþáttur sem kallast Shi Chan. Shi Chan er aðalpersónan í þættinum, 5 ára gutti sem er alltaf að múna. Teiknimyndaþátturinn er frekar í svona lélégri kantinum, þar sem teikni-gæðin eru ömurleg. Þetta er greinilega einhver svona cheap dæmi frá Japan eða e-ð. Alla vega, þátturinn áðan fjallaði um að hann fór í skíðaferðalag með fjöskyldunni sinni. Hann gat ekki beðið eftir að hitta "the ski-babes" eins og hann orðaði það, og pabbinn tók vel undir það. Mamman var nú samt ekki sátt hvernig þeir töluðu. Svo er ákveðið að Shi Chan fari í skíðakennslu, hann fer í byrjendahópinn þar sem hann kann ekkert að skíða. En hann lendir hóp þar sem þau eru einungis tvö, og hin manneskjan í hópnum er engin annar en leikskólakennarinn hans, en hann þekkir hana ekki af því að hún er með sólgleraugu og gengur undir dulnefni. Hún þykist vera Hollywood-stjarna, en í rauninni er hún "desperate kindergaarden teacher" eins og það var orðað í þáttunum. Hún verður yfir sig hrifin af skíðakennaranum, en Shi Chan tekst alltaf að eyðileggja möguleika hennar til þess að reyna við hann. T.d. í eitt skiptið þegar þau voru að hita upp þá segir skíðakennarinn að þau verði að kunna að hita sig upp og kæla sig niður, svo byrja þau að teygja á og svoleiðis, en allt í einu er Shi Chan komin úr buxunum og stendur berrassaður, þá var hann víst að kæla sig niður. Leikskólakennarinn heldur áfram á meðan að dagdreyma um að hún skíði óvart á kennarann og brjóstin hennar þrýstast upp við hann þegar hún fellur í faðm hans, og hann segir "hey you are a total babe", en í rauninni er hún frekar ljót. Annað sem var skemmtilegt í þessum þætti var hvernig Shi Chan talaði, hann sagði alltaf við mömmu sína "Sweetah Mamasita", og það ætla ég að nota á mömmu mína.

Svo rétt í þessu var verið að sýna teiknimyndaþátt með Mr. Bean, finnst það frekar skrítið. Ég efast um að krakkar í dag viti hver hann er, en hann er þó alltaf jafn seinheppinn. Samt var þetta frekar lélégur þáttur, en þeir ná að teikna hann næstum því alveg eins og hann var í gömlu þáttunum.

Jæja, kommentið endilega, það er mjög leiðinlegt þegar fólk er ekki búið að kommenta. Ætli að einhver hafi nennt að lesa þessa færslu?

Nadia

Aloha...

Oj rétt í þessu var ég að koma auga á stærðarinnar hrossaflugu inn í stofu. Þær eru meinlausar en ógeðslegar.

Jæja, nú er ég bara ein heima. Frekar leiðinlegt. Ég er sígarettulaus. Það er ekki gaman. Eru einhverjar búðir opnar í dag?

En vá hvað það er hlýtt úti, ég labbaði bara áðan úti á peysunni, og mér var eiginlega bara heitt á leiðinni.

Mig langaði að blogga því ég fékk einhverjar hugmyndir um hvað ég gæti bloggað, en svo virðist vera að það hafi allt dottið úr hausnum á mér.

Mig langar til þess að kíkja út á lífið í kvöld, þar sem föstudagurinn var heldur rólegur hjá mér og gærkvöldið einnig. Þannig ef einhver býður sig fram, þá er ég til.

Já...

Nadia