Þokkadísin Ég heiti Þórdís Nadia og þetta er bloggsíðan mín. Ég er 20 ára Reykjavíkurmær og stunda ég nám við FB. Ég er mjög áhugaverð manneskja, mjög mikilvæg og bara frábær. Ég er æði... 10 nýjustu færslurnar
Bloggarar Anna StellaEinar Elva Litla Geimveira Heba, Erla og Margó Katla Þórunn Myndir Eldra 03/09/2003 - 03/16/2003 |
föstudagur, september 24, 2004 Dididilididiiii skip dabb babb babb dabb beeiii....yeah.
Ég er í svo miklu jazz-stuði núna, gæti skipp-að og dabb-að í allan dag. Samt er vont veður og ég er í góðu skapi. Ég er búin að vera svo ótrúlega heppin með skólann að það er ekki eðlilegt, kannski ástæðan fyrir því að ég sé alltaf svona óhamingjusöm er vegna þess hversu heppin ég er. Ég er búin að vera slugsa pínu með heimalærdóminn, en alltaf verið það heppin að þegar ég mæti í skólann þá er kennarinn veikur eða þá að prófið sem að ég fer í er bara skítlétt. En ég verð að fara að taka mig á, gengur ekki. En annars er ég að fara í próf á þriðjudaginn í sögu, ef einhver er vel að sér í kalda stríðinu, þá má hann endilega láta mig vita því að prófið er aðalega um það viðfangsefni. Ég er alltaf að blogga núna, en ég hef ekkert að segja. Oh en leiðinlegt. En já talandi um ógeðslegt fólk, þá eru myndir úr afmælinu mínu hérna. En þessi hér er mjög getnaðarleg mynd af mér. Jæja þar til næst...
fimmtudagur, september 23, 2004 Shaka Khan everybody Shak-shak-shak Shaka Khan...
Æh, hvað gerðist fyrir lilla-bláa bloggið mitt. Ég er ekki alveg sátt við litinn hérna, mig grunar að hún Dóra Gígja hafi verið að breyta til, sem er fínt fyrir utan litina og það vantar teljarann minn. Ég var að ræða við nokkrar stelpur í skólanum í dag. Þær voru að tala um bloggsíður, og hvað þeim finndist leiðinlegt að lesa blogg þar sem fólk væri að hella tilfinningum sínum og röfli yfir lesandann. Ég bara hélt kjafti, enda er ég nú ekki svo saklaus í þeim málum. Ég bara kann ekki að blogga um e-ð yfirborðslegt og leiðinlegt, kann heldur ekki að skrifa fyndnar og skemmtilegar sögur, þannig ég skrifa bara um mitt líf sem oftast fylgir röfl með. Hmm, nú er ég að hugsa um að röfla ekki, en þá einhvern veginn virðist ég ekki hafa neitt til þess að blogga um. Jú, mig langar einstaklega að vita hver syngur lagið fyrir Egils Kristal auglýsinguna, eða bara hvað lagið heitir. Mér þykir þetta vera einstaklega fallegt lag og fæ gæsahúð í hvert skipti sem að ég heyri þetta stutta brot úr því. Guð minn góður, sá einhver Fólk með Sirrý í gær? Fyrsta skipti var þessi þáttur áhugaverður (fyrir utan þegar Heba og mamma hennar voru þættinum (og ég)), 21 árs stelpa komst að því að hún væri ólétt 15 mín. áður en hún átti barnið. Þetta var ótrúlega skrítið, hún fór upp á spítala vegna þess að hún var með svo mikla magaverki, svo kom seinna í ljós að hún var ólétt. 15 mín. seinna átti hún strák, og hún hafði ekki grænan grun um að hún væri ólétt! Ég kemst ekki yfir þetta. Reyndar las ég svipaða sögu um þetta í sumar, en þá var greyið konan svo feit að hún tók ekki eftir því að hún væri ólétt. Jæja er ekki best að eyða tímanum í e-ð annað heldur en leiðinlega bloggfærslu. Takk takk
þriðjudagur, september 21, 2004 Alzheimer...
Voðalega finnst mér eins og Alzheimer sé búið að vera mikið í umræðunni núna undanfarið. Ekki er langt síðan ég bloggaði um að ég hafi verið að horfa á sænska mynd um Alzheimer. Svo fór ég á Notebook og þar var ein aðalpersónan með Alzheimer. Ég las DV í dag og þar stóð að einhver læknir í BNA telur að George W. Bush sé með Alzheimer á byrjunarstigi. Svo horfði ég á fréttirnar í kvöld og þar var verið að tala um að um 300 Íslendingar séu með Alzheimer. Hani brá sér í bæinn, hvað er ekki fréttnæmt hérna á Íslandi? Ég fór líka í bæinn í dag, kannski að ég ætti að hringja í fréttastofuna. Neih heyrðu, ég á heima í miðbænum, þetta verður stórfrétt! Ég ætla að kveðja ykkur að sinni með apahljóðum... Úhuahahahah ú úæu ú íííí í aaaa... Pang, pang! Blóð dreytlar.. Nadia
mánudagur, september 20, 2004 Aahh...
Jæja er upp í skóla núna að pikka á lyklaborðið með nýja hringnum mínum sem ég fékk í afmælisgjöf. Reyndar er ég ekki að pikka á lyklaborðið með hringnum, hringurinn er á puttanum ef einhver skildi misskilja mig, Fór The Notebook í gærkvöldi, bara ágætismynd. Hélt reyndar að það væri meira varið í hana, fannst mér þó leikararnir standa sig mjög vel og átti ég auðvelt að lifa mig inn í myndina. Ég ætlaði ekki að komast yfir að hvað stelpan sem fór með aðalhlutverkið er falleg, gaman að horfa á hana. Mótleikarinn hennar var nú ekkert í verri kantinum. Æh hvað mig langar að vera ástfangin eins og þau... Æji ég ætlaði að setja mynd, nenni því ekki. Nadia
sunnudagur, september 19, 2004 Ha? Átti ég afmæli í gær?
Sjitt, vaknaði í morgun í kjólnum mínum og stígvélum með lykkjufall dauðans á sokkabuxunum. Kjóllinn var krumpaður og mjög svo blettóttur. Ég man voða lítið eftir gærkvöldinu, er búin að vera hringja í fólk til þess að fá up-date....uss uss uss... Já annars er ég mjög sátt með það sem ég man, ég vil þakka öllum fyrir að koma, og þeir sem komu ekki geta bara hoppað upp í rassgatið á sér, það er að segja ef þeir hafa ekki löggilda afsökun... Farin... Nadia
|